Paşinyan meydan oxumağa çalışır? - Ermənistan Lukaşenkonun qatı düşməninə qucaq açdı

23 oktyabr 2024 255 baxış

Ermənistan Daxili İşlər Nazirliyinin Miqrasiya və Vətəndaşlıq Xidməti Vladimir Balandin adlı Belarus vətəndaşına qaçqın statusu verilməsi barədə qərar qəbul edib.

Bu barədə Helsinki Vətəndaş Assambleyasının Vanadzor ofisi tərəfindən məlumat yayılıb.

Təşkilatın hüquq departamentinin ofisi və koordinatoru Ani Çatinyan V.Balandinin ekstradisiyasının qarşısını almaq üçün 8 aydan artıq çalışdıqlarını bildirib. V.Balandin artıq Ermənistanda qaçqın statusuna malik olduğu üçün ekstradisiya ilə üzləşmir və onun ekstradisiyası konvensiya ilə qadağandır.

Qeyd edək ki, Vladimir Balandin barəsində Belarusda siyasi aksiyalarda iştirak etməsi ilə bağlı cinayət işi başlanıb. Onun Belarus Prezidenti Aleksandr Lukaşenkonun ən qatı əleyhdarlarından biri olması məlumdur və Ermənistanın ona qaçqın statusu verməsi Paşinyanın Lukaşenkonun əsəbləri ilə oynama gedişi kimi qiymətləndirilir.

#Ermənistan DİN