Sergey Lavrov Durovun saxlanılmasına reaksiya bildirdi | Sübut olundu ki, “Telegram”...

“Biz Fransanın söz azadlığına münasibətini çoxdan bilirik. Moskva və Paris arasında münasibətlər həmişəkindən də pisdir və bu bizim günahımız deyil”.

Bu sözləri Rusiyanın xarici işlər naziri Sergey Lavrov Yəmənin xarici işlər naziri Şaya Möhsün Az-Zindani ilə danışıqların yekununa əsasən keçirilən mətbuat konfransında deyib.

“Rusiyanın Pavel Durovun azadlığa buraxılması ilə bağlı verdiyi nota Fransada nəzərdən keçirilir. Buna cavab gözləyirik. Bizimlə yanaşı, BƏƏ-də də bu işlə ciddi məşğuldurlar, bir qrup hüquqşünasları Pavel Durovla əlaqə saxlamağı tələb edir.

“Telegram” platformasının istifadəsi isə həqiqətən də, rahatdır və qorunur. Əgər bundan öncə kiminsə buna şübhəsi var idisə, P.Durovun saxlanmasından sonra şübhə qalmayacaq.

Məhz buna görə də kiminsə məsləhəti ilə Pavel bu gün dəhşətli işgəncələrlə hədələnir, bu yolla Fransa hakimiyyəti ondan şifrələmə kodlarını əldə etmək istəyir. Fransızların hərəkətləri ilə artıq sübut olundu ki, “Telegram” nə dərəcədə etibarlı və məşhur şəbəkədir”, – deyə nazir bildirib.