Şəriət ölkəsi BƏƏ qumarxanaları qanuniləşdirməyə hazırlaşır
Şəriətlə idarə olunan Birləşmiş Ərəb Əmirlikləri qumarxanaları leqallaşdırmaqla Fars körfəzi bölgəsində yeni məkanlar açmağa hazırlaşır.
Bu qərarla ölkə turizm sektorunu canlandırmaq və mühüm gəlir mənbəyi əldə etməyi hədəfləyir.
Xarici media xəbər verir ki, Birləşmiş Əmirliklər qumar sənayesini tənzimləmək üçün federal struktur yaradıb və ölkənin kazinoları leqallaşdıran ilk körfəz ölkəsi olmasına yol açıb.
Dövlət mediasının verdiyi məlumata görə, lotereya və kommersiya oyun sənayesi üçün "tənzimləyici baza" yaratmaq üçün yeni orqan yaradılır.
Keçən ay ABŞ-nin kazino və hotel operatoru “Wynn Resorts” Birləşmiş Əmirliklərdə 3,9 milyard dollarlıq oyun obyekti tikəcəyini və tezliklə lisenziya alacağını gözlədiyini söyləyib.
Yerli media bildirib ki, Amerika hotelçilik və əyləncə şirkəti “MGM Resorts International”ın keçmiş baş direktoru Cim Murren tənzimləyici şuraya rəhbərlik edəcək. Oyun sənayesində təxminən otuz illik təcrübəyə malik olan Kevin Mullalli tənzimləyici fəaliyyətləri koordinasiya edəcək və milli səviyyədə lisenziyalaşdırmaya nəzarət edəcək, yeni agentliyin baş icraçı direktoru olacaq.
Şəriət qanunları ilə idarə olunan ölkədə qumar oynamağa icazə verilməsi əhəmiyyətli dəyişiklik olacaq. Hazırda ölkədə qadağan edilən qumar oyunları cərimə və ya iki ilə qədər həbslə cəzalandırılır. Ölkə həm də turizm baxımından Fars körfəzindəki rəqibləri ilə rəqabət aparmağa çalışır.
#Birləşmiş Ərəb Əmirlikləri teqi istifadə olunub
- İlham Əliyev Birləşmiş Ərəb Əmirliklərinin bir sıra şirkətlərinin rəhbərlərini qəbul edib
- Prezident İlham Əliyev BƏƏ-nin bir sıra şirkətlərinin rəhbərlərini qəbul etdi - Baku TV
- BƏƏ-nin bir sıra şirkətlərinin rəhbərləri Prezidentin qəbulunda - Baku TV
- İlham Əliyev Birləşmiş Ərəb Əmirliklərinin bir sıra şirkətlərinin rəhbərlərini qəbul edib - Baku TV
- Qarabağ atları, milli musiqimiz və rəqslərimiz Əbu-Dabidə tamaşaçıları valeh etdi - Baku TV
