Silahlı şəxs ziyarətçiləri güllələyib

Kanadada silahlı şəxs sinaqoqa gələn ziyarətçiləri güllələyib.

Hadisə iyunun 22-də axşam saatlarında Monreal şəhərinin Kot-de-Nej rayonunda, Dekari bulvarında baş verib.

Şahidlərin sözlərinə görə, kamuflyaj geyimində olan tüfənglə silahlanmış şəxs Dekari bulvarında yerləşən sinaqoqun qarşısında 30-dan çox atəş açıb.

Hadisə yerinə gələn polis əməkdaşları hücumçunu saxlamağa cəhd göstərsələr də, o, hüquq-mühafizə orqanlarının əməkdaşlarına atəş açmağa başlayıb. Nəticədə iki polis əməkdaşı və bir mülki şəxs ağır yaralanıb.

Məlumata görə, hücum edən şəxs cavab atəşi ilə zərərsizləşdirilib. Hadisə səbəbindən üç nəfərin həlak olduğu bildirilir. Ölənlərin polis əməkdaşı, mülki şəxs və atəş açan şübhəli şəxs olduğu bildirilir. Silahlı insident zamanı yaralanan polisin vəziyyəti ağırdır.

Qeyd edək ki, hadisənin baş verdiyi Kot-de-Nej rayonunda çoxsaylı restoranlar, yəhudi məktəbləri və icma mərkəzlərinin yerləşdiyi sıx yəhudi icmasının olduğu qeyd edilir.

Səlahiyyətli qurumlar əməliyyat-axtarış tədbirlərinin davam etdiyini bildirib və sakinlərə hadisə baş verən əraziyə yaxınlaşmamağı tövsiyə edib. Həmçinin hücumçunun başqa şəxslərlə əlaqəsinin olub-olmadığı da araşdırılır.