Şimali Koreya Yapon dənizinə doğru ballistik raket atıb

Şimali Koreya Yapon dənizinə doğru ballistik raket atıb.

Rəsmi Seul bundan dərhal sonra təcili iclas keçirib.

Təhlükəsizlik vəziyyətinin qiymətləndirilməsi məqsədilə çağırılan toplantıda Müdafiə Nazirliyinin və Silahlı Qüvvələrin Birləşmiş Qərargah Rəisləri Komitəsinin nümayəndələri iştirak ediblər.

Cənubi Koreya səlahiyyətliləri ballistik raket buraxılışlarının BMT Təhlükəsizlik Şurasının qətnamələrini pozduğunu bildirib və Pxenyanı bu fəaliyyəti dayandırmağa çağırıb.

Maraq üçün bildirək ki, hadisə Cənubi Koreya Prezidentinin Çinə üçgünlük dövlət səfərinin başlaması ilə eyni vaxta təsadüf edib.

Öz növbəsində Yaponiya Müdafiə Nazirliyi isə vurğulayıb ki, Şimali Koreya tərəfindən buraxılan iki ballistik raket ölkənin müstəsna iqtisadi zonasından kənarda, Yapon dənizinə düşüb.

Nazirlik əlavə edib ki, buraxılışdan sonra hər hansı dağıntı qeydə alınmayıb.

Qeyd edək ki, Şimali Koreya Yapon dənizinə doğru bir neçə ballistik raket atıb. Raketlər dənizə düşməzdən əvvəl təxminən 900 kilometr qət edib. Bu, 2026-cı ilin ilk ballistik raket buraxılışı olub.