Pleyeri seçin:
Suriyada yeni köç dalğası başladı | Yeni görüntülər ortaya çıxdı
Suriyanın Əs-Süveyda bölgəsindən yeni görüntülər ortaya çıxıb.
Silahlı qruplar çoxsaylı bədəvi ərəb ailələrini silah gücü ilə evlərindən didərgin salmağa başlayıb. Onlar evlərini tərk edərək cənubda yerləşən Dəra şəhərinə doğru yola düşüblər.
Xarici medianın məlumatına görə, yerli sakinlərin yaşadığı Şehba, Tel Luhuf, Meyamas, Kəfər, Raha, Səhvt Balata və Ufeynə kimi bölgələrdə druzların silahlı qrupları çox sayda ailəni evlərindən çıxmağa çağırıb. Çıxmaq istəməyənləri isə öldürüblər.
Qeyd edək ki, toqquşmalar başlayandan indiyədək insanların üçdəbirinin bölgəni tərk etdiyi güman edilir.
Xatırladaq ki, təhlükəsizlik qüvvələri ilə yerli druz silahlı qrupları arasında atəşkəs əldə olunsa da, razılıq tez bir vaxtda pozulub. Ardınca İsrail Ordusu Suriyaya hücuma keçib. İyulun 16-da İsrail Hərbi Hava Qüvvələri Suriya Prezidentinin sarayına və Müdafiə Nazirliyinin binasına zərbələr endirib.
Kopyalandı
