Pleyeri seçin:
Tailandda daşqınlara görə ölənlərin sayı artdı
Taylandın cənubunda leysan yağışların səbəb olduğu daşqınlar nəticəsində 80 nəfərdən çox insan həlak olub.
12 fərqli bölgəyə təsir edən şiddətli yağışların səbəb olduğu daşqınların təxminən 3 milyon insana təsir etdiyi açıqlanıb.
Rəsmilər səhər saatlarından etibarən əksər ərazilərdə yüksək suyun səviyyəsinin azaldığını, bəzi ərazilərdə yaşayan sakinlərin isə hələ də təbii fəlakətlə mübarizə apardığını qeyd ediblər.
Ölkənin cənubunda baş verən daşqınlardan sonra Sonqxla əyalətində fövqəladə vəziyyət elan edilib. Əyalətdə daşqınlar nəticəsində ölənlərin sayı 55-ə çatıb, yeddi əyalətdə isə azı 82 nəfər ölüb.
Qeyd edək ki, iyun və sentyabr ayları arasında Cənubi və Cənub-Şərqi Asiyaya təsir edən musson yağışları hər il böyük təbii fəlakətlərə və qəzalara səbəb olur.
Kopyalandı
Seçilmişlər
