Tbilisidə hakimiyyəti dəyişdirmək istəyənlərin planı alt-üst edildi | Hadisələrin pərdəarxası

Gürcüstanın paytaxtı Tbilisidə ölkə hakimiyyətini dəyişdirməyə yönəlmiş planlar və bələdiyyə seçkilərindən sonra başlayan etiraz aksiyalarının pərdəarxası məqamları açıqlanıb. Gürcüstan Parlamentinin spikeri Şalva Papuaşvili Avropa İttifaqının (Aİ) yüksək rəsmiləri – Xarici İşlər və Təhlükəsizlik Siyasəti üzrə ali nümayəndəsi Kaya Kallas və avrokomissar Marta Kosun bəyanatına kəskin reaksiya verib. Papuaşvili Aİ nümayəndələrini zorakılığı dəstəkləməkdə və **"çevrilişə yönəlmiş mitinq"**ə haqq qazandırmaqda ittiham edərək, gürcü xalqından üzr istənilməsini tələb edib. O, həmçinin etirazlar zamanı 25 polis əməkdaşının xəsarət aldığını vurğulayıb. Bu hadisələr fonunda Gürcüstanın daxili siyasi vəziyyətində Qərb qurumları ilə yaranan gərginlik, yalan məlumatların tirajlanması və siyasi böhranın dərinləşməsi xəbər verilir.