“Tezliklə nə baş verəcəyini görəcəksiniz” | ABŞ-yə qarşı yeni mərhələ başlayır? - Baku TV

“İranın müharibə, diplomatiya və iqtisadi mühasirəyə qarşı mübarizədə yeni strategiyası rəqiblərini sarsıdacaq”.

Bunu Tehran və Vaşinqton arasında münaqişənin yenidən başlaması fonunda İran Ali Milli Təhlükəsizlik Şurasının katibi Möhsün Rezai deyib.

“Bu çılğın cəhdlərlə özünüz üçün yaratdığınız cəhənnəmdən çıxa bilməyəcəksiniz. Əksinə, tezliklə anlayacaqsınız ki, İranın müharibə və diplomatiyada, eləcə də iqtisadi mühasirəyə qarşı mübarizədə yeni strategiyası sizin dayaqlarınızı sarsıtmağa qadirdir”, – deyə o bildirib.

Bu arada, İranın Abadan şəhərinin sərhədçiləri Fars körfəzinin şimal sularında 382 min litr qaçaq dizel daşıyan gəmini saxlayıb. Vurğulanib ki, gəminin göyərtəsindəki 11 xarici vətəndaş həbs edilib. Bununla yanaşı, Hörmüz boğazından keçən gəmilərdən birində partlayış qeydə alınıb. Ətraflı məlumat açıqlanmayıb.