Tokatda zəlzələ baş verdi | Dağıntılar var

Türkiyənin Tokat vilayətində baş verən 5,6 bal gücündə zəlzələ nəticəsində bir sıra binalara ciddi ziyan dəyib.

Bu barədə ölkənin səhiyyə naziri Fahrettin Koca “X” hesabında bildirib.

Paylaşımda Tokatda bir evin və iki məscidin minarələrinin dağıldığı, bundan başqa, zəlzələnin təsiri ilə Yozqat şəhərində 3 evə ciddi ziyan dəydiyi qeyd olunub.

Həmçinin təbii fəlakət zamanı bir nəfərin xəsarət aldığı, hadisə yerinə xilasedicilərin və təcili tibbi yardım briqadalarının cəlb olunduğu bildirilib.