Tramp ABŞ-İran memorandumuna şərt qoydu | ABŞ boğazda ödənişləri bərpa edəcək? - Baku TV

Vaşinqton və Tehran yekun razılığa gələ bilməsələr, ABŞ Hörmüz boğazından keçən gəmilərə görə rüsum almağa başlaya bilər.

ABŞ Prezidenti Donald Tramp bunu "Truth Social" sosial şəbəkəsində yazıb.

O bildirib ki, 60 günlük atəşkəs müddətində Hörmüz boğazından keçidə görə rüsumlar alınmayacaq, lakin bundan sonra ABŞ ilə İran arasında razılaşma əldə olunmasa, ödənişlər tətbiq oluna bilər.

Tramp qeyd edib ki, belə bir addım ABŞ-nin təhlükəsizlik sahəsində Yaxın Şərq ölkələrinə göstərdiyi xidmətlərə, eləcə də keçmiş, indiki və gələcək xərcləri kompensasiya etmək üçün atıla bilər:

"Rüsumlar razılaşma tamamlanmadığı təqdirdə Yaxın Şərq ölkələrinə qəyyum mələklər kimi göstərilən xidmətlərə görə keçmiş, indiki və gələcək xərcləri ödəmək üçün ABŞ tərəfindən və onun xeyrinə tətbiq olunacaq".

Daha əvvəl bildirilib ki, İran anlaşma memorandumunun imzalanmasından sonra ABŞ ilə 60 günlük danışıqlar müddətində Hörmüz boğazından keçid üçün ödənişlərdən imtina edib.