Tramp geri çəkildi? | Hörmüz boğazında son vəziyyət - Baku TV

ABŞ Prezidenti Donald Tramp Amerika qoşunları arasında ciddi itkilərdən qorxaraq İranın Xarq adasını ələ keçirmək ideyasını dəstəkləməyib.

Bu barədə "The Wall Street Journal" mənbələrə istinadən yazıb.

Qəzetin verdiyi məlumata görə, hesabatda ABŞ Prezidentinin sözləri qeyd olunub.

Bildirilib ki, Amerika liderinə adaya desant əməliyyatının uğurlu ola biləcəyi barədə məlumat verilib. Lakin Tramp belə bir ssenarinin baş verəcəyi təqdirdə ABŞ Ordusunun müdafiəsiz qalacağına və onun fikrincə, fəlakətli dərəcədə böyük itkilərə məruz qala biləcəyinə inanıb.

Xarq adası strateji əhəmiyyətə malikdir, çünki orada İranın əsas neft terminalları yerləşir. Daha əvvəl Tramp dəfələrlə Tehrana qarşı sərt bəyanatlar verib, o cümlədən adanı ələ keçirməklə hədələyirdi.

Bu arada Hörmüz boğazının blokadası tətbiq ediləndən bəri ABŞ Hərbi Dəniz Qüvvələri İran limanlarından çıxan 23 ticarət gəmisini saxlayıb.

Bu barədə ABŞ-nin Yaxın Şərqdəki Mərkəzi Komandanlığı məlumat yayıb.