Tramp Seulla təlimlərin azaldılmasına göstəriş verdi

ABŞ Prezidenti Donald Tramp Şimali Koreyanın ölkəsi ilə hörmətli şəkildə davrandığını bildirib.

O bu barədə “Truth Social” hesabında yazıb.

Şimali Koreya lideri Kim Çen Inla münasibətlərinin yaxşı olduğunu vurğulayan Tramp uzun müddət əvvəl ABŞ-nin Cənubi Koreya ilə hərbi təlimlərdə iştirak etməyə razılaşması qərarından təəssüflənib.

Onun sözlərinə görə, bu təlimlərin xərcini ABŞ ödəyib, lakin onun prezident olduğu müddət ərzində Şimali Koreya Vaşinqtonu təhdid etməyərək, hörmətli şəkildə davranıb.

Tramp diqqətə çatdırıb ki, ABŞ-nin Cənubi Koreya ilə birgə təlimləri Pxenyana “düşmənçilik siqnalı” göndərib. ABŞ Prezidenti buna görə müharibə naziri Pit Heqsetə Cənubi Koreya ilə müştərək hərbi təlimlərin sayını əhəmiyyətli dərəcədə azaltmaqla bağlı göstəriş verdiyini vurğulayıb.

O, Cənubi Koreyadan “İranın nüvəsizləşdirilməsi” mövzusunda ABŞ-yə dəstək xahiş etdiyini, lakin Seuldan “yox” cavabı aldığını qeyd edib.