Trampdan İrana çağırış | "Bundan sonra geriyə yol yoxdur" - Baku TV

ABŞ Prezidenti Donald Tramp İranı tələsməyə və ölkəsi ilə danışıqlara ciddi yanaşmağa çağırıb.

O bu barədə sosial şəbəkə hesabında yazıb.

“İranın danışıq aparanları çox fərqli və “qəribədirlər”. Onlar razılaşma əldə etmək üçün bizə “yalvarırlar” və belə də olmalıdır, çünki onların hərbi potensialı tamamilə darmadağın edilib və bərpaolunma şansları yoxdur, lakin açıq şəkildə bəyan edirlər ki, sadəcə, təklifimizi nəzərdən keçirirlər. Yanlışdır”, – deyə o yazıb.

Tramp vurğulayıb ki, İranın buna mümkün qədər tez və ciddi yanaşması daha yaxşı olar: “Nə qədər ki, çox gec deyil, çünki bundan sonra artıq geriyə yol olmayacaq və hər şey pis bitəcək”.

İsrailin müdafiə naziri İsrael Katz isə martın 26-da İranın Hərbi Dəniz Qüvvələri komandanı Əlirza Tənqsirinin öldürüldüyünü bildirib:

“Bu gecə İsrail Müdafiə Qüvvələri dəqiq və öldürücü əməliyyat nəticəsində İslam İnqilabı Keşikçiləri Korpusunun Dəniz Qüvvələrinin komandanı Əlirza Tənqsirini, eləcə də yüksəkrütbəli dəniz komandanlığı rəsmilərini zərərsizləşdirdi. Qlobal gəmiçiliyi pozmaq məqsədilə Hörmüz boğazının minalanması və bağlanması üzrə terror əməliyyatına birbaşa cavabdeh olan şəxs aradan götürüldü və planı pozuldu.

Bu, hazırda İrana nəzarət edən İslam İnqilabı Keşikçiləri Korpusunun bütün yüksəkvəzifəli rəsmilərinə açıq mesajdır: İsrail Müdafiə Qüvvələri sizi bir-bir izləyəcək və zərərsizləşdirəcək. Müharibənin məqsədlərinə çatmaq üçün bütün gücümüzlə İranda fəaliyyətimizi davam etdiririk”.