Trampdan İrana növbəti sərt xəbərdarlıq | Regionda nələr yaşanacaq? - Baku TV

İrandan İsrailə yeni raket hücumu həyata keçirilib.

Bu barədə İsrail Ordusunun mətbuat xidməti məlumat yayıb.

"İsrailə qarşı əlavə raket yaylım zərbələri endirilib. Əhaliyə növbəti xəbərdarlığa qədər təhlükəsiz yerlərdə qalmaları tövsiyə olunur", – deyə açıqlamada vurğulanır.

Qeyd olunur ki, hazırda Hava Hücumundan Müdafiə sistemi təhdidləri aşkarlayır və zərərsizləşdirir.

ABŞ Prezidenti Donald Tramp İran zərbələrini gücləndirəcəyi təqdirdə Tehranı görünməmiş güclə hədələyib.

O bu barədə "Truth Social" sosial şəbəkəsində bəyanat verib.

"İran indicə çox sərt, əvvəllər olmadığından daha sərt zərbə endirəcəklərini açıqlayıb. Onlar bunu etməsələr, daha yaxşı olar, çünki əgər etsələr, biz onlara əvvəllər heç vaxt görünməmiş güclə zərbə endirəcəyik", – deyə ABŞ lideri paylaşımında yazıb.

Bu arada İranın Kəşfiyyat Nazirliyinin yüksəkvəzifəli rəsmisi Məhəmməd Bəseri ABŞ və İsrailin Tehrana hava hücumu nəticəsində həlak olub.

Bu barədə İranın İSNA agentliyi məlumat yayıb.