Türkiyədə yenidən zəlzələ baş verdi

Türkiyənin Adana bölgəsində 4.9 bal gücündə zəlzələ baş verib. Bu barədə ölkənin Fövqəladə Halların İdarə Olunması Agentliyi məlumat yayıb.

Məlumata görə, zəlzələnin episentri Saimbəyli şəhərində 6.67 kilometr dərinlikdə yerləşib. Dağıntı və tələfat barəsində məlumat verilməyib.

Qeyd edək ki, fevralın 6-da Türkiyənin cənub bölgəsində baş verən 7.7 bal gücündəki zəlzələdə 50 mindən artıq insan həyatını itirib.