Ukrayna PUA-ları dəhşət saçdı | Rusiya MN-dən təcili məlumat

Rusiya hava hücumundan müdafiə qüvvələri aprelin 21-dən 22-nə keçən gecə ərzində Ukraynaya məxsus 10 pilotsuz uçuş aparatını məhv edib. Bu barədə ölkənin Müdafiə Nazirliyi məlumat verib.

Bildirilib ki, Orlov vilayəti üzərində 2, Belqorodda isə 1 dron zərərsizləşdirilib. Silahlı qüvvələrin “Cənub” bölməsi Ukraynaya məxsus sursat anbarını və hərbi avtomobili də məhv edib.

Bununla yanaşı, son həftə ərzində Ukraynanın Rusiya ərazilərinə endirdiyi zərbələr nəticəsində 2-si uşaq olmaqla 15 nəfər ölüb. 80-dən çox insan isə yaralanıb.

Rusiya silahlı qüvvələri aprelin 21-dən başlayaraq Ukraynanın Odessa vilayətinə “Şahed” tipli kamikadze dronları ilə hücum edib. Hücum nəticəsində şəhərdə mülki infrastruktura, yaşayış binalarına, təhsil müəssisəsinə və nəqliyyat vasitələrinə ziyan dəyib, yanğın başlayıb.

Əlavə olunub ki, zərbələr daha çox hərbi hissələr olmayan, dinc sakinlərin yaşadıqları ərazilərə endirilib.

Baş vermiş hadisədən sonra Ukrayna Prezidenti Volodimir Zelenski bildirib ki, Kiyev mülki hədəflərə hücumların dayandırılması təklifini dəstəkləyir və buna nail olmaq üçün istənilən formada müzakirələrə hazırdır.