Rusiyanın cavabı Kiyevə hücum oldu | Zərər çəkənlərdən azərbaycanlılar da var

Rusiya-Ukrayna müharibəsində gərginlik yeni mərhələyə qədəm qoyub. "Baku TV"-nin xüsusi reportajına görə, Ukrayna Silahlı Qüvvələrinin Rusiyanın Belqorod vilayətinin 5 yaşayış məntəqəsini atəşə tutmasına cavab olaraq, Rusiya ordusu Kiyevə kütləvi hava zərbələri endirib. Hücum nəticəsində Ukrayna paytaxtında ciddi dağıntılar baş verib, 3 nəfər həlak olub, 26 nəfər yaralanıb, 10 nəfər isə itkin düşmüş hesab olunur.

Xüsusi narahatlıq doğuran məqam odur ki, zərbələr nəticəsində Kiyevin Darnıtski rayonunda azərbaycanlıların yaşadığı mənzillərə də ciddi ziyan dəyib. Xoşbəxtlikdən, hücum anında soydaşlarımız evdə olmadıqları üçün xəsarət alan olmayıb. Reportajda müharibə zonasında yaşayan azərbaycanlıların qarşılaşdığı risklər və Kiyevin mülki infrastrukturuna dəyən zərər ətraflı şəkildə təqdim olunur.