Ukrayna Rusiyanın Belqorod vilayətinə zərbələr endirdi

Ukrayna dronları Belqorod vilayətində 8 yaşayış məntəqəsinə hücum edib.

Bu barədə regionun qubernatoru Vyaçeslav Qladkov məlumat verib.

O, hücumlarda xəsarət alan şəxsin olmadığını bildirsə də, yaşayış evi, elektrik xətti və yük maşınına zərər dəydiyini qeyd edib.

Rusiya yaxın günlərdə “Yars” kompleksindən RS-24 qitələrarası ballistik raketini buraxmağı planlaşdırır. Belə bir açıqlama ilə Ukraynanın Baş Kəşfiyyat İdarəsi çıxış edib.

Qurumun sözlərinə görə, məqsəd Ukraynaya, həmçinin Avropa Birliyi və NATO-ya üzv dövlətlərə nümayişkaranə təzyiq və hədə-qorxu gəlməkdir.

Bildirilib ki, raket Sverdlovsk vilayətinin Svobodnıy yaşayış məntəqəsi yaxınlığından buraxılacaq.

Qeyd edək ki, üçpilləli bərk yanacaqla işləyən raketin uçuş məsafəsi 10 min kilometrdən çoxdur.