Ukrayna "Georgian Airways"ə sanksiya tətbiq edib

Ukrayna Rusiyanın təcavüzünü dəstəklədiklərinə görə, daha 291 hüquqi və 191 fiziki şəxsə qarşı sanksiyalar tətbiq edib. Ukrayna Prezidenti Volodimir Zelenski bununla bağlı fərman imzalayıb.

Sənədə əsasən, Rusiya, Gürcüstan, Qazaxıstan, Kipr və Belarusdan olan 291 müəssisə, təşkilat, quruma qarşı 5-10 il müddətinə sanksiyalar tətbiq edilib. “Qara siyahı”ya salınan şirkətlər arasında Gürcüstanın hava yolu şirkəti “Georgian Airways” də var.

Qeyd edək ki, “Georgian Airways” Rusiya Federasiyası ilə əlaqəni iyunun 15-dən bərpa edib. Fiziki şəxslərin siyahısında əsasən Rusiya Federasiyasının vətəndaşları olsa da, onların arasında Belarus və Gürcüstan vətəndaşları da var.