Ukrayna XİN-dən Moskvada konsert zalına silahlı hücuma reaksiya

“Ukraynanın Moskvadakı “Crocus City Hall” ticarət mərkəzində silahlı hücumda iştirakı ilə bağlı iddiaları rədd edirik”.

Bu barədə Ukrayna Xarici İşlər Nazirliyinin açıqlamasında bildirilib.

“Nazirlik Rusiya rəsmilərinin Ukraynanın silahlı hücumda iştirak etməsi ilə bağlı irəli sürdüyü ittihamları qəti şəkildə rədd edir. Bu cür ittihamları Rusiya cəmiyyətində Ukrayna əleyhinə isteriyanı daha da qızışdırmaq, Rusiya vətəndaşlarının ölkəmizə qarşı cinayət təcavüzündə iştirak etmək üçün səfərbərliyini gücləndirmək və beynəlxalq ictimaiyyətin gözündə Ukraynanı nüfuzdan salmaq üçün Kremlin planlaşdırılmış təxribatı hesab edirik.

Beynəlxalq ictimaiyyəti Ukraynanın silahlı hücumda iştirak etdiyi iddia edilən yalan ittihamları qətiyyətlə rədd etməyə çağırırıq”, – deyə Ukrayna XİN-dən bildirilib.