Ukraynadan Rusiyaya ardıcıl PUA zərbələri | Müharibədə son vəziyyət

Ukrayna Silahlı Qüvvələri Rusiyanın Belqorod vilayətində Federal Təhlükəsizlik Xidmətinin yerli şöbəsinin binasına hücum edib.

Bu barədə Rusiya KİV məlumat yayıb.

Bildirilib ki, pilotsuz uçuş aparatı ilə həyata keçirilən hücum nəticəsində binanın fasadı zədələnib, pəncərələri sınıb. İlkin məlumata görə, xəsarət alan olmayıb.

Bundan başqa, Ukrayna Silahlı Qüvvələri martın 12-si gecədən 13-ü səhər saatlarına qədər Rusiyanın bir neçə vilayət və şəhərlərinə də təyyarə tipli PUA-lardan istifadə etməklə hücum edib. Rusiya Müdafiə Nazirliyi cəhdlərin qarşısının alındığını bildirib.

Qeyd edək ki, Belqorod vilayətində 11, Bryansk üzərində 8, Voronej üzərində 29, Kursk üzərində 8, Ryazan və Leninqrad vilayətləri üzərində isə 2 PUA zərərsizləşdirilib.