Vaşinqtonun Hörmüz boğazı ilə bağlı kritik istəyi nədir? - Baku TV

Amerika administrasiyası təkid edir ki, digər ölkələr Hörmüz boğazından keçən gəmilərin təhlükəsizliyinin təmin edilməsində iştirak etsinlər.

Bu barədə ABŞ-nin BMT-dəki daimi nümayəndəsi Mayk Uolts CNN telekanalına müsahibəsində bildirib.

"Əgər gəmilərin müşayiət edilməsindən danışırıqsa, 1980-ci illərdə İran qlobal enerji tədarükünə mane olmağa cəhd edərkən Fransa, Böyük Britaniya və hətta Sovet İttifaqının silahlı qüvvələri öz tankerlərinin eskortunu təmin edirdi. Hesab edirəm ki, Prezident Tramp dünya ictimaiyyətini məhz buna çağırır", – deyə Uolts qeyd edib.

Nümayəndə bu yanaşmanı onunla əsaslandırıb ki, Hörmüz körfəzində gəmiçiliyin bloklanmasının nəticələri bütün dünyaya təsir edir.

"Biz, təbii ki, öz iqtisadiyyatlarının qorunması naminə onların cəlb olunmasını alqışlayır, dəstəkləyir və hətta israrla tələb edirik. Bununla yanaşı, ABŞ Silahlı Qüvvələri İran Ordusuna, onların raket katerlərinə və pilotsuz uçuş aparatlarından istifadə edən bölmələrinə zərbələr endirməyə davam edəcək ki, boğaz gəmiçilik üçün açıq qalsın", – deyə amerikalı daimi nümayəndə əlavə edib.