Vilayətlərə hücum edildi, 3 hava limanı... | Rusiya MN-dən təcili məlumat

Yanvarın 24-də səhər saatlarında Tatarıstan Respublikasında pilotsuz uçuş aparatlarının hücumu təhlükəsi elan edilib.

Bu barədə ölkə mətbuatında məlumat verilib.

Bildirilib ki, Ukrayna Silahlı Qüvvələri tərəfindən həyata keçirilən hava hücumu ilə bağlı sakinlərə evdə qalmaları və pəncərələrə yaxın getməmələri tövsiyə olunub.

Samara vilayətinin sakinləri də oxşar xəbərdarlıqlar alıblar. Bundan əlavə, Saratov vilayətinə dronla hücum olub, Rusiya hava hücumundan müdafiə sistemləri işə salınıb.

“Rosaviasiya”dan isə bildirilib ki, hava hücumu ilə bağlı təyyarələrin uçuşlarının təhlükəsizliyini təmin etmək məqsədilə səhər saatlarında Moskva vilayətində yerləşən Vnukovo, Domodedovo və Jukovski hava limanlarında təyyarələrin qəbulu və buraxılması ilə bağlı müvəqqəti məhdudiyyətlər tətbiq olunub, daha sonra isə hava limanının fəaliyyəti bərpa olunub.

Rusiya Müdafiə Nazirliyindən bildirilib ki, hava hücumundan müdafiə qüvvələri son sutka ərzində Bryansk vilayəti üzərində Ukraynaya məxsus 37 PUA-nı məhv edib. Xəsarət alan yoxdur. Saat 06:00-dan 07:00-a qədər isə Leninqrad vilayəti üzərində bir neçə PUA vurulub.