Vyana və Praqa hava limanlarının işi müvəqqəti dayandırılıb

13 yanvar 2026 361 baxış

Avropada günlərdir aramsız yağan qar həyatı iflic edib.

Avstriyanın paytaxtı Vyana və Çexiyanın paytaxtı Praqada əlverişsiz hava şəraiti ilə əlaqədar beynəlxalq hava limanlarının işi müvəqqəti olaraq dayandırılıb.

Qeyd olunub ki, məhdudiyyətlər yolların buz bağlaması səbəbindən tətbiq edilib və reyslər digər hava limanlarına yönləndirilir.

Macarıstanın Balaton gölü son günlərdə tamamilə donub. Bu, son 10 ildə nəhəng gölün ilk dəfə donması halıdır. Balaton gölü Mərkəzi Avropanın ən böyük gölüdür və qitənin ən böyük şirin su gölləri arasında yer alır.

Rəsmilər xəbərdarlıq ediblər ki, buzun qalınlığı 2-9 santimetr arasındadır ki, bu da gəzinti və ya konki sürmək üçün təhlükəsiz səviyyədən çox aşağıdır.

Sakinlərin bəziləri ənənəvi soyuq havanın qayıtmasına görə sevinsələr də, digərləri iqlim dəyişikliyi və onun regionun hava şəraitinə təsiri ilə bağlı narahatlıqlarını bildiriblər.

#Avropa