Yeni aşkarlanan planetin nadir xüsusiyyətləri nələrdir?

Saturn planetinin əkizi kəşf edilib.

Harvard-Smithsonian Astrofizika Mərkəzinin mütəxəssisləri bu məlumatı təsdiqləyiblər.

Beynəlxalq astronomlar qrupu NASA-nın TESS peyki vasitəsilə kəşf edilən Saturnun əkizinin adını TOI-4994 b qoyublar.

Ekzoplanet Yerdən təxminən 1079 işıq ili uzaqlıqdadır və kütlə baxımından Günəşə oxşar G tipli ulduzun ətrafında fırlanır. Onun orbiti ulduzdan 0,15 astronomik vahid məsafədən keçir və nəticədə təxminən 717,6 kelvin tarazlıq temperaturu yaranır.

Ulduzun diskindən planetlərin keçməsi nəticəsində ulduzların parlaqlığının dəyişməsi qeydə alınıb. TOI-4994 b-nin kütləsi və hər kub santimetr üçün 0,78 qram sıxlığı onu Saturna bənzədir.

Planet öz ulduzunun ətrafında hər 21,5 gündən bir dövr edir və onu isti Saturn adlandırırlar. Bu cür planetlər nadirdir və cəmi 20-ə qədəri tapılıb.