Yeni Kaledoniyada ölənlərin sayı artdı | Fransa polisləri sakinlərə dəhşət yaşatdı

Yeni Kaledoniyada təhlükəsizlik qüvvələrinin keçirdiyi əməliyyat nəticəsində iki nəfər öldürülüb.

Bu barədə Frans-Press Agentliyi məlumat yayıb.

Bildirilib ki, polis asayiş keşikçilərinə atəş açmaqda şübhəli bilinən 10-a yaxın şəxsin axtarışına çıxmışdı.

Öldürülən 2 nəfərlə bağlı məlumat ortaya çıxandan sonra yerli sakinlər küçələrə axışıblar. Polis gözyaşardıcı qazdan istifadə edərək etiraz aksiyasını dağıda bilib.

Məlumat üçün bildirək ki, Fransanın Sakit okean ərazisində aylarla davam etdirdiyi iğtişaşlardan sonra ölənlərin sayı 13-ə çatıb.