Pleyeri seçin:
Yerin peykində sayca 11-ci meteorit mənşəli tapıntı aşkarlandı
Çin alimləri Ay mənşəli meteoritdə yeni mineral kəşf ediblər.
Çin Geologiya Xidmətinin yaydığı məlumata görə, “serium-maqnezium çenqşit” adlandırılan bu tapıntı sayca 11-ci Ay mineralıdır.
Yeni mineral rəngsiz, şəffaf və kövrək quruluşa malikdir, şüşəyəbənzər parıltı verir. Onun ölçüləri 3-25 mikrometr arasında dəyişir.
Alimlər bildirir ki, bu mineral Yer kürəsində indiyədək müşahidə olunmayan şəraitdə fərqli temperatur, təzyiq və kimyəvi tərkib altında formalaşıb. Bu isə Ayın və ümumilikdə kosmosun geoloji proseslərinin daha dərindən öyrənilməsi baxımından əhəmiyyətlidir.
Qeyd edək ki, mineral Çində qeydə alınmış ilk Ay meteoritində aşkarlanıb.
Mütəxəssislərin fikrincə, bu cür kəşflər həm kainat haqqında bilikləri genişləndirir, həm də gələcəkdə LED texnologiyaları kimi sahələrdə tətbiq imkanları yaradır.
Kopyalandı
Seçilmişlər
