Pleyeri seçin:
Yunanıstan Hörmüz boğazına hərbi gəmilər göndərəcək?
Yunanıstan Hörmüz boğazında mümkün hərbi əməliyyatlarda iştirak etməyəcək.
Bu barədə ölkə hökumətinin sözçüsü Pavlos Marinakis açıqlama verib.
Onun sözlərinə görə, Yunanıstanın Hörmüz boğazında hər hansı hərbi əməliyyata qoşulması məsələsi gündəmdə deyil.
Hökumət nümayəndəsi ABŞ tərəfindən mümkün təzyiqlər fonunda Yunanıstanın bölgəyə hərbi gəmilər göndərə biləcəyi barədə yayılan məlumatlara da münasibət bildirib.
Pavlos Marinakis vurğulayıb ki, Afina yalnız Avropa İttifaqının Qırmızı dənizdə həyata keçirdiyi “Aspides” missiyasında iştirak edir. Bu missiya çərçivəsində Yunanıstan və İtaliya regionda gəmiçiliyin təhlükəsizliyinin təmin olunmasına töhfə verir.
Hökumət sözçüsü qeyd edib ki, sözügedən missiyanın aydın müəyyən edilmiş coğrafi sərhədləri var və o, Hörmüz boğazını əhatə etmir.
“Biz heç bir halda İranla müharibəyə müdaxilə etmək niyyətində deyilik”, – deyə hökumət rəsmisi vurğulayıb.
Kopyalandı
#Hörmüz boğazı teqi istifadə olunub
- ABŞ, İsrail və İran arasında sensasiyalı proses | Razılaşmanın aqibəti nədən asılıdır? - Baku TV
- ABŞ və İran arasında əldə olunan razılaşma imzalanmağa hazırdır - Baku TV
- Tramp İranla razılaşmanı nə vaxta planlayır?
- Aİ-dən təcili çağırış | ABŞ və İran arasında döyüşlər yenidən başlayır? - Baku TV
- Şiddətli zərbələr: İranın hədəsinin arxasındakı plan | Trampın çıxışı aranı qarışdırdı - Baku TV
Seçilmişlər
