Dünya
Pleyeri seçin:
Zelenski: 21 minə yaxın "Vaqner" muzdlusu məhv edilib
“Ölkənin şərqində gedən döyüşlər zamanı Ukrayna Ordusu “Vaqner” Xüsusi Hərbi Şirkətinin 21 minə yaxın muzdlusunu məhv edib”.
Bunu Ukrayna Prezidenti Volodimir Zelenski İspaniyanın “El Mundo” nəşrinə müsahibəsində deyib. O bildirib ki, döyüşlər zamanı “Vaqner”in ən güclü bölmələri sıradan çıxarılıb.
“Əlbəttə, onlar ancaq hücum edə bilərdilər. Hücumdan başqa çarələri yox idi. Əks halda öz silahdaşları tərəfindən öldürüləcəkdilər. Bu, onların gücünün əsas sirri idi”, – deyə dövlət başçısı qeyd edib.
V.Zelenskinin sözlərinə görə, döyüşlər zamanı 80 minə yaxın “Vaqner”çi yaralanıb: “Bu, əks-hücum əməliyyatlarımızın tərkib hissəsidir. Döyüşçülərimiz irəli getməyə hazırdırlar”.
Ukrayna liderinin fikrincə, Belarusa yerləşən “Vaqnerçilər” oradan yeni təhdid yarada bilərlər.
Kopyalandı
Seçilmişlər
