Zelenski Trampa görə hansı addımı atacaq? - Çətin olacaq, amma...

Ukrayna Prezidenti Volodimir Zelenski əgər Donald Tramp yenidən ABŞ Prezidenti seçilərsə, onunla işləməyin çətin iş olacağını deyib.

İyulun 18-də Oksfordda keçirilən “Avropa Siyasi Birliyi” 4-cü Zirvə toplantısında iştirak etmək üçün Britaniyada səfərdə olan V.Zelenski BBC telekanalına müsahibə verib.

O, D.Tramp yenidən ABŞ Prezidenti seçilərsə, onunla işləməyin çətin iş olacağını deyib. Prezident qeyd edib ki, ancaq o, zəhmətkeşdir və ABŞ-də hakimiyyətdə olan hər kəslə işləməyə hazırdır.

V.Zelenski müsahibəsində Ukrayna-Britaniya münasibətlərinə də toxunub. Kir Starmerin baş nazirlik müddətinin Britaniyanın xarici siyasətində xüsusi bir dövrə damğa vuracağına ümid etdiyini bildirib.