Zelenski Zalujnı və Budanovu xidmətlərinə görə təltif etdi

Ukrayna Prezidenti Volodimir Zelenski Silahlı Qüvvələrin keçmiş baş komandanı Valeri Zalujnıya Ukrayna Qəhrəmanı adı verib.

Bunu təsdiq edən müvafiq fərman Ukrayna Prezidentinin internet saytında dərc olunub.

Fərmanda qeyd olunub ki, V.Zalujnı Ukraynanın dövlət suverenliyinin və ərazi bütövlüyünün müdafiəsində əlamətdar şəxsi xidmətlərinə, Ukrayna xalqı qarşısında fədakar xidmətinə görə bu ada layiq görülüb.

Eyni zamanda V.Zelenski V.Zalujnıya Ukrayna hökumət komandasında olmağı təklif edib. Bununla yanaşı, Baş Kəşfiyyat İdarəsinin rəhbəri Kirill Budanova da Ukrayna Qəhrəmanı adı verilib.

Qeyd edək ki, Valeri Zalujnı fevralın 8-də istefaya göndərilib. Ardınca Aleksandr Sırski Ukrayna Silahlı Qüvvələrinin baş komandanı təyin edilib.