Zelenskidən Trampa sərt təpki: "O zaman imkan verməyəcəyəm ki..."

İki aylıq atəşkəs elan olunarsa, o zaman nəzəri olaraq Ukraynada seçkilər keçirilə bilər.

Bunu Ukrayna Prezidenti Volodimir Zelenski bildirib.

“Düşünürəm ki, tərəfdaşlarımız bir suala cavab verməlidirlər: onlar nə istəyirlər? Onlar əsl seçkilər istəyirlər, yoxsa sadəcə, məni əvəz etmək istəyirlər? Düşünürəm ki, ruslar, sadəcə, məni əvəz etmək istəyirlər. Bunun mədəni bir yolu var, o da seçki yoludur”, – deyə o qeyd edib.

Zelenski vurğulayıb ki, Vaşinqton Ukraynada sülhü bərqərar edə bilsə, ABŞ-nin seçkilərin keçirilməsi ilə bağlı bəzi təkliflərini bloklamayacaq.

“Əgər seçkilərin keçirilməsi üçün iki aylıq atəşkəs əldə etsək, parlamentlə danışmaq və onları müharibə zamanı seçkilərin keçirilməsini dəstəkləmədiklərini, hətta xalqın belə dəstəkləmədiyini başa düşmələri üçün əlimdən gələni edəcəyəm. Hətta iki aylıq atəşkəs əldə etsəniz belə, bu, müharibənin bitdiyi anlamına gəlmir”, – o deyib.

Zelenski vurğulayıb ki, buna nail olmaq üçün insanlar sülh referendumunda öz fikirlərini bildirməli və parlament mövcud qanunvericilikdə dəyişiklik etməlidir.

Rusiya ilə danışıqların növbəti raunduna gəldikdə Zelenski deyib ki, növbəti danışıqlar İsveçrədə olacaq.

“Düşünürəm ki, görüşün İsveçrədə keçirilməsi yaxşı haldır. Bu, çox vacibdir. Mən bunu həmişə Yaxın Şərqə və digər ölkələrə hörmətlə deyirəm, amma inanıram ki, Avropada müharibə olarsa, onun üçün yer burada axtarılmalıdır”, – o vurğulayıb.