Rusiya Xarkov, Sumı və Odessaya hücum edib

Rusiyanın Leninqrad vilayətində, Sankt-Peterburq yaxınlığında binada partlayış baş verib. Nəticədə, tikilinin tavanları çöküb.

Yerli mətbuatın yazdığına görə, söhbət Sertolovoda yerləşən hərbi komendantlıqdan gedir.

“Telegram” kanallarında yayılan məlumata görə, hadisə zamanı iki nəfər həlak olub. Təxminən 3-4 nəfərin dağıntılar altında qaldığı ehtimal olunur.

Rusiya Silahlı Qüvvələri isə Ukraynanın Xarkov, Sumı və Odessa vilayətlərinə növbəti hücumlar həyata keçirib. Bu zaman 1 nəfər həlak olub, daha 11 nəfər yaralanıb.

Rusiya qoşunları Sumı vilayətinin 15 yaşayış məntəqəsini 20-dən çox atəşə tutub. Odessaya endirilən zərbələr nəticəsində isə ikisi kişi, biri qadın olmaqla üç dinc sakin yaralanıb. Xarkovda 3 fərdi ev və avtomobil zədələnib, enerji şəbəkələri sıradan çıxıb.

Səlahiyyətlilər bildirirlər ki, Rusiya gecə saatlarında Odessanın enerji infrastrukturuna yenidən dağıdıcı zərbələr endirib. Avadanlığı işlək vəziyyətə qaytarmaq üçün təmir işləri uzun vaxt aparacaq.

Qeyd olunub ki, zərbələrin endirildiyi ərazidə dağıntıların təmizlənməsi işləri davam edir.