Xarkova yeni zərbə endirildi | Hücumda xeyli sayda ölən və yaralanan var - Baku TV

Ukraynanın Xarkov və İvano-Frankivsk vilayətlərinə Rusiyanın raket və pilotsuz uçuş aparatları ilə hücumları nəticəsində 6 nəfər ölüb, daha 9 nəfər yaralanıb.

Bu barədə yerli hakimiyyət orqanlarının nümayəndələri məlumat veriblər.

Xarkov Vilayət Hərbi Administrasiyasının rəhbəri Oleq Sinequbovun sözlərinə görə, oktyabrın 11-də axşam saatlarında Rusiya qüvvələri Xarkov şəhərinin ətrafına raket zərbəsi endirib. Raketlərən biri ərzaq mağazasının binasına düşüb və ərazidə yanğın baş verib.

Yanğın 300 kvadratmetr sahədə lokallaşdırılıb. Mağazanın binasına, 5 avtomobilə, 2 çoxmənzilli yaşayış binasına və 1 fərdi evə ziyan dəyib. Hadisə nəticəsində 3 nəfər ölüb, 9 nəfər yaralanıb. Yaralılar arasında 3 uşaq da var.

Bundan başqa, İvano-Frankivsk şəhəri də Rusiya dronlarının hücumlarına məruz qalıb. Vilayət Hərbi Administrasiyasının rəhbərinin məlumatına görə, ilkin olaraq 2 nəfər ölüb, 1 nəfər yaralanıb. Daha sonra yaralı xəstəxanada vəfat edib, nəticədə ölənlərin sayı 3 nəfərə çatıb.