Binəqədidə sürücü qəza törədərək işıq dirəyini aşırıb

Binəqədi rayonunda qəza törədən avtomobil işıq dirəyini aşırıb.

Hadisə Biləcəri qəsəbəsində baş verib.

İlham Ağayev idarə etdiyi “BMW”markalı minik avtomobili ilə Rəşid İsmayılov küçəsindən Biləcəri dairəsinə doğru hərəkətdə olarkən idarəetməni itirib.

Nəticədə nəqliyyat vasitəsi əks yola keçib. Bu zaman avtomaşın yol ortasındakı işıq dirəyini aşırıb.

Hadisə zamanı xəsarət alan olmayıb. Nəqliyyat vasitəsinə və yol infrastrukturuna ciddi ziyan dəyib.

Əraziyə Binəqədi Rayon Dövlət Yol Polis İdarəsinin əməkdaşları cəlb olunub.

Hadisə ilə bağlı araşdırma aparılır.

Kamil Əmirli

Elşad Mətləboğlu