18 mərtəbəli binada lift qəzası | Yaralananlar var

Bakıda çoxmərtəbəli yaşayış binasında lift qırılıb. Hadisə Xətai rayonu, Gəncə prospekti, 2980/81 ünvanında qeydə alınıb.

Məlumata görə, hadisə zamanı liftdə 7 nəfər olub. Sakinləri binanın 1-ci mərtəbəsindən 6-cı mərtəbəsinə qaldıran lift sonuncu mərtəbədə reysdən çıxaraq sürətlə aşağı düşüb.

Dərhal hadisə yerinə 3 təcili yardım briqadası cəlb olunub.

TƏBİB-dən bildirilib ki, hadisə nəticəsində 4 nəfər xəsarət alıb. Onlardan 2 nəfər böyük (biri kişi cinsli, biri qadın cinsli olmaqla) və bir uşaq Elmi-Tədqiqat Travmatologiya və Ortopediya İnstitutuna, bir uşaq isə Sabunçu Tibb Mərkəzinə hospitalizasiya olunub.