4-cü meyitin də kimliyi bilindi

Yanvarın 5-i paytaxtın Nərimanov rayonunda meyitləri tapılan 4 nəfərin kimlikləri məlum olub.

DİN-in məlumatına görə, sonuncu meyitin şəxsiyyəti də Nərimanov Rayon Polis İdarəsinin əməkdaşları tərəfindən təyin edilib. Onun Bakı şəhər sakini, 16 yaşlı Kənan Salayev olduğu müəyyənləşib. Qeyd edək ki, Kənan Salayev məktəbli olub.

Xatırladaq ki, Nərimanov rayonunda bir mənzildən meyitləri tapılan şəxslər 31 yaşlı Pərvin Səfərli, 32 yaşlı Kənan Nəzərov, 18 yaşlı Kamran Allahverdiyev və 16 yaşlı Kənan Salayevdir. İlkin məlumata görə, onların dəm qazından boğulduğu və ya qidadan zəhərlənərək öldüyü ehtimal edilir. Faktla bağlı Nərimanov Rayon Prokurorluğunda cinayət işi başlanılıb, araşdırma aparılır.