Abşeronda faciə | 37 yaşlı kişi qətlə yetirilib - Baku TV

Abşeron rayonunda silsilə cinayətlər fonunda daha bir ağır hadisə qeydə alınıb: 37 yaşlı kişi qətlə yetirilib. "Baku TV"nin hadisə yerindən verdiyi məlumata görə, qanlı hadisə şəxsi münasibətlər zəminində baş verən münaqişə nəticəsində törədilib. İlkin araşdırmalar zamanı məlum olub ki, mərhum kəsici-deşici alətlə çoxsaylı xəsarətlər alaraq hadisə yerində dünyasını dəyişib. Rayonun hüquq-mühafizə orqanları dərhal əməliyyat-axtarış tədbirlərinə başlayıb və cinayəti törətməkdə şübhəli bilinən şəxsin müəyyən edilərək saxlanılması istiqamətində işlər davam etdirilir. Videoda hadisənin baş verdiyi ərazidən ilk görüntülər, şahid ifadələri və rəsmi qurumların hadisə ilə bağlı ilkin rəyləri yer alır. Abşerondakı dəhşətli qətlin təfərrüatları Baku TV-nin xüsusi reportajında.