Abşeronda qonşuların mübahisəsi qətllə bitdi

Abşeronda 2 qonşunun mübahisəsi qətllə nəticələnib.

Məlumata görə, 46 yaşlı Şahlar Qasımov özünəməxsus fərdi yaşayış evində təmir işləri aparan zaman səs-küy yaranıb. Buna etiraz edən qonşusu 43 yaşlı Cavanşir Əliyev onunla mübahisə edib. Nəticədə Şahlar Qasımov bud nahiyəsindən bıçaqlanıb və hadisə yerində qanitirmədən vəfat edib.

Cinayət əməlini törətməkdə şübhəli bilinən əvvəllər məhkum olunmuş Cavanşir Əliyev polis əməkdaşları tərəfindən saxlanılıb. Faktla bağlı araşdırma aparılır.