Hadisə
Pleyeri seçin:
Ağstafada 14 TIR toqquşdu | Xəsarət alanlar var
Ağstafada yolun buz olması səbəbindən 14 yük maşınının toqquşduğu zəncirvari qəza baş verib.
Hadisə yanvarın 27-si axşam saatlarında Bakı-Qazax-Qırmızı körpü avtomagistralının Ağstafa rayon Qarahəsənli kəndi ərazisindən keçən hissəsində qeydə alınıb.
“Yol sürüşkən idi. Hər yer buz bağladığı üçün gələn maşınlar sürüşürdü. Yola duz tökülsəydi, qəza baş verməyəcəkdi”, – sürücü deyib.
Qəza nəticəsində iki Türkiyə vətəndaşı – 54 yaşlı Bekar Atəş və 34 yaşlı Ramazan Taş xəsarət alıb. Yaralılar xəstəxanaya yerləşdirilib, vəziyyətləri qənaətbəxş hesab edilir.
Qeyd edək ki, yük maşınları əsasən Rusiyadan ölkəmizə, oradan da Türkiyə marşrutu üzrə hərəkət edirmiş. Hadisə yerinə Ağstafa Rayon Polis Şöbəsinin, eləcə də Baş Dövlət Yol Polisi İdarəsinin əməkdaşları cəlb olunub.
Qırmızı körpü istiqamətində yolun hərəkət zolağı bağlandığından nəqliyyatın hərəkəti alternativ istiqamətdə yönləndirilib. Faktla bağlı araşdırma aparılır.
Kopyalandı
Seçilmişlər
