Pleyeri seçin:
Bakıda 16 yaşlı boksçunun faciəvi ölümü | Məşqçilərinin istəyinə görə... - Baku TV
Fevralın 14-də iki boksçu arasında keçirilən döyüş zamanı bədbəxt hadisə baş verib.
Belə ki, Azərbaycan Boks Federasiyasında təşkil olunan yarış zamanı məşqçilərin istəyi ilə Vaqif Məhəmmədli və Əli Ruşanov sınaq döyüşü keçiriblər. Təxminən 6-7 dəqiqə davam edən sparrinq zamanı Əli Ruşanov huşunu itirərək yerə yıxılıb.
Dərhal təcili tibbi yardım briqadası müdaxilə edib və o, 1 saylı Şəhər Klinik Xəstəxanasına çatdırılıb. Lakin həkimlərin səylərinə baxmayaraq, Mingəçevir şəhər sakini, 2010-cu il təvəllüdlü Əli Ruşanovun həyatını xilas etmək mümkün olmayıb.
Azərbaycan Boks Federasiyasından bildirilib ki, sınaq döyüşü yeniyetmələr arasında yaxın günlərdə keçiriləcək Azərbaycan çempionatına hazırlıq məqsədilə təşkil olunub. Vaqif Məhəmmədli və Əli Ruşanov məşqçiləri ilə birlikdə hazırlıq üçün Bakıya gəliblər.
Hadisə ilə bağlı hüquq-mühafizə orqanları tərəfindən araşdırma aparılır.
Kopyalandı
#Azərbaycan Boks Federasiyası teqi istifadə olunub
Seçilmişlər
