Bakıda binada partlayış baş verdi : 1 ölü, 2 yaralı

Bakıda binada partlayış baş verib. 1 nəfər həyatını itirib, 2 nəfər yaralanıb.

Hadisə Sabunçu rayon, Anaşkin 4 ünvanında qeydə alınıb. Partlayış zamanı Gülnarə Nuriyeva və onun 13 yaşlı oğlu Kamil Ağayev xəsarət alıb. Yaralılar Sabunçu Tibb Mərkəzinə yerləşdirilib. 24 yaşlı Orxan Rüstəmli isə dağıntılar altında qalaraq, dünyasını dəyişib.

Baş vermiş hadisə ilə bağlı aidiyyəti qurumların əməkdaşları əraziyə cəlb edilib. Ölən şəxsin meyiti dağıntılar altından çıxarılaraq, Sabunçu morquna təhvil verilib. Faktla bağlı cinayət işi açılıb. Araşdırma aparılır.