Bakıda bulvarda batma təhlükəsi ilə üzləşən qadın xilas edilib

Dənizdə batma təhlükəsi ilə üzləşən qadın xilas edilib.

Bu barədə Fövqəladə Hallar Nazirliyindən məlumat verilib.

Nazirliyin “112” qaynar telefon xəttinə Dənizkənarı Milli Park ərazisində bir nəfərin dənizdə batma təhlükəsində olması barədə məlumat daxil olub.

Dərhal hadisə yerinə nazirliyin müvafiq xidmətinin “Bakı-bulvarı” dalğıc-axtarış qrupu cəlb edilib. Həyata keçirilən operativ xilasetmə əməliyyatı sayəsində dənizdə batma təhlükəsində olan 36 yaşlı qadın dalğıclar tərəfindən xilas edilərək aidiyyəti üzrə təhvil verilib.