Hadisə
Pleyeri seçin:
Bakıda dəhşət: yaşlı anasını əlil arabasına bağlayaraq dilənməyə məcbur etdi
Paytaxtın Nəsimi rayonunda, Səməd Vurğun küçəsində yaşlı qadın zorla diləndirilib.
Bu barədə məlumat BAKU.WS-in "qaynar xətti"nə daxil olub. İddia edilir ki, yaşlı qadın özünü onun qızı kimi təqdim edən şəxs tərəfindən ərazidəki marketin yaxınlığında dilənməyə məcbur edilib. Hadisəyə yaxınlıqdakı vətəndaşlar müdaxilə edib. Daha sonra məlum olub ki, qadının ayaqları əlil arabasına “skoç”la bağlanıb. Qızı bildirib ki, anasının ayaqlarında yara olduğundan o, bu addımı atıb. Onun sözlərinə görə, qadın ayaqlarını tərpətdikcə yara daha da pisləşir. Ətrafdakıların ciddi narazılığından sonra qadın və qızı polis bölməsinə aparılıblar.
Məsələ ilə bağlı Daxili İşlər Nazirliyinin əməkdaşı Nurlan Əliyev bildirib ki, şəxslərin sağlamlıq vəziyyəti nəzərə alınmaqla barələrində qanunamüvafiq tədbirlər görüləcək.
Kopyalandı
Seçilmişlər
