Bakıda gizlətmək istədilər, amma... | DTX və DSX birgə əməliyyat keçirdi
Dövlət Təhlükəsizliyi və Sərhəd Xidməti birgə əməliyyat keçirib.
Əməliyyat zamanı məlum olub ki, 1991-ci il təvəllüdlü Şəhriyar Əliyev xarici ölkədə yaşayan şəxslə cinayət əlaqəsinə girib. O, qaçaqmalçılıq yolu ilə Azərbaycana satış məqsədilə gətiriləcək külli miqdarda narkotik vasitə sayılan qurudulmuş marixuananı Beyləqan rayonu ərazisində əldə etdikdən sonra Bakı şəhərinə apararaq gizlədəcəyi barədə əvvəlcədən razılığa gəlib.
Şəhriyar Əliyev həmin narkotik vasitəni Beyləqan rayonunun Əhmədli kəndi ərazisində gizlədilən yerdən götürərək Bakı şəhərinə apararkən Dövlət Təhlükəsizliyi və Sərhəd Xidməti tərəfindən birgə keçirilən əməliyyat-axtarış tədbirləri nəticəsində saxlanılıb. Baxış zamanı onun üzərindən ümumilikdə çəkisi 30 kiloqramdan artıq olan qurudulmuş marixuana aşkar edilərək götürülüb.
Faktla əlaqədar Şəhriyar Əliyev Cinayət Məcəlləsinin müvafiq maddələri ilə cinayət məsuliyyətinə cəlb olunub. Məhkəmənin qərarı ilə onun barəsində həbs qətimkan tədbiri seçilib. Hazırda istintaq-əməliyyat tədbirləri davam etdirilir.
#Dövlət Təhlükəsizliyi Xidməti teqi istifadə olunub
- Rusiya-Ukrayna müharibəsində döyüşən Azərbaycan vətəndaşlarına cinayət işi açıldı - Baku TV CANLI
- DTX-dən səfirliyə terror hücumuna qarşı xüsusi əməliyyat - Baku TV CANLI
- Səfirliyə terror hücumunun qarşısı alındı
- DTX səfirliyə terror hücumunun qarşısını necə aldı? - XÜSUSİ ƏMƏLİYYAT
- Baş nazirin sabiq birinci müavini Abbas Abbasov təcili Rusiyaya qayıtdı - Baku TV
