Bakıya qəza enişi edən təyyarə ilə bağlı yeni xəbər

"Qantas Airways" şirkətinin Sinqapur-London reysi həyata keçirərkən Heydər Əliyev Beynəlxalq Aeroportuna qəza enişi edən təyyarəsinin sərnişinləri təyinat məntəqəsinə digər təyyarə ilə yola düşəcəklər.

Bu barədə Heydər Əliyev Beynəlxalq Aeroportunun mətbuat xidmətindən məlumat verilib.

Məlumata görə, digər təyyarə gələnədək reysin sərnişinləri hoteldə yerləşdiriləcəklər. Qeyd edək ki, bu, “A380” təyyarəsinin uçuş heyətinin Heydər Əliyev Beynəlxalq Aeroportuna göndərdiyi ilk qəza eniş sorğusu deyil.