Bələdiyyə sədri qapımızı döyüb dedi ki... | Sumqayıtda bədbəxt hadisə

Sumqayıtda bədbəxt hadisə baş verib.

Belə ki, Corat qəsəbəsi, Nəriman Nərimanov küçəsindəki fərdi yaşayış evlərindən birində üç nəfər dəm qazından zəhərlənib.

69 yaşlı qadın elə hadisə yerindəcə dünyasını dəyişib. 35 yaşlı qadın və 4 yaşlı uşaq isə Sumqayıt Tibb Mərkəzinə çatdırılıb.

Xəstəxanadan verilən məlumata görə, oktyabrın 28-də saat 09:50-də Sumqayıt Tibb Mərkəzinin Təcili Tibbi Yardım Xəstəxanasına 1989-cu il təvəllüdlü şəxs (qadın cinsli) hospitalizasiya olunub.

Dəm qazından zəhərlənmə diaqnozu təyin edilən qadına xəstəxananın Təcili yardım şöbəsində zəruri tibbi yardımlar göstərilib və hazırda vəziyyəti kafi qiymətləndirilir.

2020-ci il təvəllüdlü azyaşlı isə (qadın cinsli) dəm qazından zəhərlənmə diaqnozu ilə Sumqayıt Tibb Mərkəzinin Uşaq Xəstəxanasına hospitalizasiya olunub. Təcili yardım şöbəsində zəruri tibbi yardımlar göstərildikdən sonra Reanimasiya şöbəsinə yerləşdirilib. Hazırda vəziyyəti orta ağır qiymətləndirilir.