Biləsuvarda 64 yaşlı qadına qarşı törədilən cinayətin dəhşətli təfərrüatları - Baku TV

Biləsuvar rayonunda cinayət hadisəsi qeydə alınıb.

64 yaşlı Məhbubə Mikayılovanın qonşusu, 23 yaşlı Xəyal Qubadlı tərəfindən bıçaqlandığı bildirilir.

“Oğlan pəncərədən evə girib. İçəriyə daxil olduqdan sonra anamın orada olduğunu görüb və “sən məni gördün, səni öldürəcəyəm” deyərək ona çoxsaylı bıçaq zərbələri vurub”, – zərərçəkənin oğlu deyib.

Ağır xəsarətlər alan Məhbubə Mikayılova Biləsuvar Rayon Mərkəzi Xəstəxanasına yerləşdirilib. Xəstəxanadan verilən məlumata görə, onun müalicəsi Reanimasiya və intensiv terapiya şöbəsində davam etdirilir, vəziyyəti stabil qiymətləndirilir.

Daxili İşlər Nazirliyinin mətbuat xidmətindən bildirilib ki, hadisəni törətməkdə şübhəli bilinən Xəyal Qubadlı polis əməkdaşları tərəfindən saxlanılıb. Faktla bağlı araşdırma aparılır.