Braziliyada təyyarə qəzaya uğradı, yanğın çıxdı

Braziliyada göyərtəsində 62 nəfərin olduğu təyyarə qəzaya uğrayıb.

Hadisə ölkənin cənub-şərqində, San Paulo əyalətində baş verib. Təyyarədə 58 sərnişin və 4 ekipaj üzvünün olduğu deyilir.

Qeyd olunub ki, qəzaya uğrayan təyyarə Kaskavel şəhərindən havaya qalxıb Quarulyos istiqamətində hərəkət edib. Hava gəmisi Vinhedo şəhərinin yaşayış massivlərindən birinin üzərinə yerə çırpılıb.

Braziliyanın cənubunda keçirilən tədbirdə iştirak edən ölkə prezidenti Luiz İnasio Lula da Silva təyyarədə olan bütün sərnişinlərin və ekipaj üzvlərinin öldüyünü açıqlayıb.

Qəzanını baş vermə səbəbi barədə məlumat verilməyib.